An Lap an Ejelok Jikin Jokwe 101

Ibwiljin ro ejelok aer jikin jokwe ilo Northwest Arkansas, eitin jilu mottan elukkun lap an ejelok aer jikin jokwe. Naan in ej jerbal ñan armej ro emōj aer ion an ejelok aer jikin jokwe iumin juon yiiō diktata, ak eloñ alen ko, ak ewōr aer nañinmej in juon kain, āinwot ilo kalmenlakjen, kōjerbale uno ko rekajur, ak nañinmej ilo enbwin.

Eloñ ian armej ro ejelok aer jikin jokwe rejjab jokwe ilo em ak rej kaam ilo bulon mar ko ak kiki ilo paak ak ilo jikin ko rejōrrāān ak ejelok armej ie. Armej ro rej pād ilo jekjek rot in ekkā an abañ aer pād ilo jukjukin pād ko ewōr “em” kio. Innem, jikin ko rej lolorjake mwon jokwe im jerbal in ejmour ekkā an abañ aer leke armej ro elukkun ejelok aer jikin jokwe ak tobar wōt er aolep ien ñan lale waween aer mour ijoko naboj.

New Beginnings ej konan tobar aikuj in ilo an karuwainene armej ñan “aer itok āinwot er māke” ilo an ejelok jekjek ko ñan deloñ, lelok jibañ kin elaplok ittino im kōjbarok, im lelok juon kumi eo elaplok aer jibañ im an wōr juon rijerbal ijo 24/7. Jekjek in ej kotlak an armej ro rej eñtaan im ejelok aer jikin jokwe bukōt juon waween kōjbarok im kajur ilo aer koneek ippān jerbal in ejmour im jibañ ko rej aikuj, innem, jikin jokwe ilo ien aitok.

Men eo eman, ewōr uak ñan kajemlok jekjek in ilo an ejelok jikin jokwe nae etan Permanent Supportive Housing. Jekjek in ekoba jikin jokwe eo eman wonaan ippen lale kein im jerbal in jibañ. Katak ko rej kwalok ke armej ro ejelok aer jikin jokwe im rej emakūt ñan mwon jokwe ko ewōr 75%-90% ilo joñan wanmaanlok im elaplok waween kantūrol er-māke ilo mour ko aer.

New Beginnings ej kwalok kin ritōl ro an kiaptōl, āne, im ijo jikid ñan lelok ñan jibañ ikijen jikin jokwe āinwot uak eo ñan an ejelok jikin jokwe. Kalaplok bellok ko ikijen jikin jokwe ej kotlak an armej mokaj aer emakūt ñan lowaan mwon jokwe ko remaroñ wanmaanlok ie im lelok ñan juon jukjukin pād eo aolep remaroñ pād ie. (Ippān kamolol ñan National Alliance to End Homelessness kin melelein naan kein)